Nami-miss kita sa bawat araw na dumaraan
Ang makapiling ka’y lubos kong pinanamabikan
May mga sandaling nilulukob ako ng lumbay
Hinahanap ang sarili, tinatanong kung kaya bang sa iyo’y mawalay.
Mahal kita.
Walang kabuluhan ang ikalawang salita
Kung di ka kasama
Salamat sa iyong pag-aalaga
Sa mga salita mo at gawa
Ikaw ang sa aki’y himala at pagpapala…
Mahal kita
Palagi
Paulit-ulit.
