Susulat ako ng liham para masabi ko ang hindi ko masabi Sa tuwing magkasama tayo.
Hindi ko mahuli ang mga akmang tayutay Hindi ko masapol ang mga metapora Laging sablay ang aking mga talinhaga.
Bago ako matulog, dumadalangin ika’y Matutulog na din at sabay tayo maglalayag Sa karagatan ng pagibig. Malayang lumalangoy sa himpapawid ng hinagap.
Sana paggising ko ika’y katabi ko na Magkadugsong ang mga pulso Damangdama ang pintig at inet ng iyong hininga.
Dumadatal sa buong pagkatao. Saklaw ang lahat ng pagiral Magunaw man ang Mundo.