NIBAN SETSU/SHUKAN
Kalahating buwan na pala tayo,
kalahating hirap, kalahating sagana.
Sa bawat pag-inog ng araw
pinakamabilis ang Sabado.
Hindi pa nakakakumpleto ng siklo
isang pisngi pa lang dumudungaw
ang kabila naman bubungad
pagkaraan ng dalawa pang linggo.
Gayunpaman,
mararamdaman na natin
ang bigay ng grabidad
ang pagta-ib at paghibas.
Kasabay ng mga maghapong
naghihintay ng kasunod na pagsuyo.
Darating din tayo sa punto,
makakabuo na tayo,
nakakalahati na, kalahati pa uli.